Umabot sa 179 na pasahero ang nasawi habang natatanging dalawa lamang ang nakaligtas matapos ang nangyaring crash ng Jeju Air flight 2216.
Lulan ng Boeing 737-800 ang 181 katao (175 pasahero, 6 crew) mula Bangkok, Thailand patungong Muan International Airport sa South Korea.
Sinubukan ng eroplano na mag-emergency landing pero dumire-deretso ito sa runway hanggang sa sumalpok sa isang pader, saka nagliyab.
Nagkalat ang mga debris ng eroplano, mga maleta at upuan nito sa crash site.
Daan-daang emergency workers ang natulong-tulong para apulahin ang apoy.
Sa isinagawang search and rescue ng mga awtoridad sa wreckage, tanging dalawang flight attendants lamang ang kanilang nasagip, at 179 rito ay kumpirmadong patay.
Sa paliparan, sa halip na arrival at departure information ang nakapaskil, ang mababasa ay ang pangalan, petsa ng kapanganakan, at nationalities ng mga biktima.
Ito ang pinakamalagim na aviation accident sa South Korea.
Nag-alay ng katahimikan sa mga sporting events, lahat ng South Korean broadcasters ay nagsagawa ng emergency news programming.
Kinansela ang end-of-year entertainment award shows at comedy shows.
