ALBAY – Tuluyang napasakamay ng mga awtoridad ang dalawang suspek na sangkot sa panggagahasa at pagpatay sa 28-anyos na babaeng biktima sa Barangay Maporong, munisipalidad ng Oas.
Pinangunahan ng Albay Police Provincial Office (APPO) ang hot pursuit operation laban sa 20-anyos na lalaki kasama ang 14-anyos na binatilyo na pawang mga residente ng bayan ng Polangui.
Nakatulong sa kaso ang mga kuha ng CCTV malapit sa crime scene kaya mabilis na natukoy ang mga suspek na inamin ang ginawang kriment.
Batay sa records, may mga dati ng reklamo ng pananakit at pagnanakaw ang dalawang suspek.
Nasa pangangalaga ng Municipal Social Welfare and Development Office (MSDWO) ang menor de edad na suspek habang nakapiit sa Oas Municipal Police Station (MPS) ang 20-anyos na suspek na nahaharap sa kasong Rape with Homicide na walang inirekomendang pyansa.
Matatandaang narekober ang bangkay ni Arlene sa gitna ng isang sakahan sa Barangay Balogo, Oas, Albay umaga nitong June 16, 2024.
