CAMARINES SUR – Dead-on-arrival ang isang lola matapos mabundol ng truck sa kahabaan ng Queborac Drive sa harap ng isang gasolinahan sa Barangay Bagumbayan Sur, Naga City, hapon nitong July 1, 2024.
Sa ulat, papatawi sana ang 72-anyos na biktima na papunta sana sa isang butika nang bigla siyang mabundol ng truck saka siya pumailalim.
Ayon kay PLTCOL Chester Pomar, ang spokesperson ng Naga City Police Office, naisugod pa sa Bicol Medical Center ang biktima subalit binawian din ng buhay.
Depensa umano ng nakabundol na truck driver, hindi nito napansin ang biktima. Agad naman syang ikinustodiya sa himpilan ng pulisya.
Sa kasalukuyan, inaantay pa ng PNP kung magsasampa ng reklamo laban sa driver ang pamilyang naiwan ng biktima.
Kasong reckless imprudence resulting to homicide ang posibleng isampa sa driver.
