Naka-heightened alert na ang Philippine National Police (PNP) ang mga units nito sa buong bansa para tiyakin ang seguridad at kaligtasan ng publiko kasabay ng pagdiriwang ng bagong taon.
Ayon kay PNP Chief PGen. Rommel Marbil, naka-mobilize na ang kanilang police units para mapanatili ang kapayapaan at kaayusan sa harap ng New Year celebrations at tiyakin ang kaligtasan ng mga biyaherng papauwi sa kani-kanilang bayan.
Nakikipagtulungan ang PNP sa mga ahensya ng gobyerno at local traffic management offices para masiguro ang maayos na galaw ng tao at sasakyan.
Handa rin ang PNP na magbigay ng first aid para sa firecracker related injuries at tumugon sa ano mang fire incidents sa pakikipagtulungan sa local fire protection units.
Nagpaalala ang PNP sa panganib ng maidudulot ng paggamit ng paputok at hinikayat na lamang na manood ng fireworks displays sa government-designated fireworks zones.
Sa huling datos ng Department of Health (DOH), nasa 17 bagong firecracker-related injuries na ang naitala, para sa kabuoang 142 cases – 35% mataas kumpara noong nakaraang taon.
