Bayani kung maituring ni Emmanuel Onsay ang aso niyang si Spotty nang iligtas siya matapos labanan ang isang malaking ahas habang natutulog sa kubo.
Talagang ‘Man’s bestfriend’ ang mga aso, sa Facebook ikwinento ni Emmanuel ang tapang at pagiging ‘loyal’ na ipinamalas ng kaniyang aso si Spotty dahil prinotektahan siya sa peligro kahit buhay nito ang naging kapalit.
Ayon sa post ni Emmanuel, nagising na lang siya nang mapansin niya ang kaniyang aso na nanghihina na matapos labanan ang isang ahas.
Isinugod naman ito kaagad ni Emmanuel sa isang veterinary clinic sa tyansang maililigtas pa niya ito, subalit matapos ang 30 minutong pakikilaban ay binawian rin si Spotty ng buhay.
Sa kubo-kubong tinuluyan ng kaniyang amo makikita ang ahas na pinatay ni Spotty.
Para kay Emmanuel, ang pagsagip sa kaniya ni Spotty sa peligro dala ng ahas ay sumisimbolo sa tapang, pagiging tapat na alaga na walang ibang inisip kung hindi kaligtasan ng kaniyang amo.
Dagdag pa ni Emmanuel, anghel kung ituring niya si Spotty dahil binigyan pa siya nitong isang pagkakataon para mabuhay.
“I owe an immeasurable debt of gratitude for the gift of life you bestowed upon me. Indeed you are an angel,”
Run free, Spotty! Isa kang bayani!
