NAGA CITY – Nagkalasog-lasog ang katawan ng isang lalaki tumatawid sa riles matapos masagasaan ng paparating na tren ng Philippine National Railways (PNR) sa bahagi ng ng Almeda Highway sa Barangay Concepcion Pequeña, Naga City dakong alas-5 ng hapon nitong Nobyembre 28, 2023.
Napag-alamang galing sa kaniyang trinatrabauhan ang biktimang kinilalang si Arthur Urbano, 50-anyos na residente ng Barangay San Felipe nang mahagip ito ng tren na naging sanhi sa kaniyang pagkamatay.
Ngayong buwan nakapagtala na ng tatlong namatay dahil sa aksidente sa tren, ang dalawang naunang biktima ay mula sa bayan ng Polangui at Oas.
