CAMARINES SUR – Patuloy na inaalam ng awtoridad ang pagkakakilanlan ng dalawang lalaki na nakita sa CCTV footage na nanloob sa isang tindahan sa Barangay La Medalla, Munisipalidad ng Baao, umaga nitong June 22, 2024.
Ayon kay PCPT Jose Revale Ablan II ang Deputy Chief of Police ng Baao Municipal Police Station (MPS), personal na nagtungo sa kanilang himpilan ang may-ari ng tindahan at ini-report ang insidente.
Ilang pakete ng sigarilyo, soft drinks at mga barya sa tindahan ang natangay ng mga suspek.
Samantala, iniimbestigahan rin ng awtoridad kung ang nakitang mga salarin sa CCTV ay ang mga kawatan rin na nanloob sa isang tindahan sa kalapit na barangay.
