ALBAY – Naging matagumpay ang idinaos na Women’s Month Color Fun Run-Takbo Para sa Kababaihan ng Bureau of Jail and Management and Penology (BJMP) Bicol, umaga nitong Sabado na ginanap sa Lungsod ng Legazpi.
Dinaluhan ito ng ilang tauhan ng Philippine National Police (PNP) Bicol, Bureau of Fire Protection (BFP) Bicol, Philippine Navy, Philippine Airforce, iba-ibang government agencies, private offices at mga paaralan sa rehiyon.
Ayon kay JO3 Ruth Castor, ang Community Relations Officer (CRO) ng BJMP Bicol, mahigit 400 na avid runners ang lumahok sa pagtitipon na nag abilisan sa 5-km at 3-km Run upang makarating sa finish line.
Aniya, taong 2011 pa nang simulan nila ang paglulunsad ng fun run.
Mapupunta naman ang malilikom na pondo para sa mga residente ng Haven for Women and Girls sa Brgy. Nasisi, Daraga, Albay at sa gagamitin ding pondo para sa livelihood projects ng ilang babaeng PDL.
